APPENDICES.

I.

Premières lettres du traiotiet de Tournay.

(22 octobre 1478.)

MAXIMILIEN et MARYE, par la grasce de Dieu, duc et ducesse d'Aultrice, de Bourgongne, de Lotricq, de Brabant, de Lembourg, de Luxembourg et de Gheldres, comte de Flandres, de Artois, de Bourgongne, Palatin de Hainau, de Hollande, de Zelande, de Namur, de Zutphen, marquis du S. Empire, seigneur et dame de Frise, de Salins et de Malines. A tous ceulx quy ces presentes lettres verront, salut: Comme pour certaines causes a ce nous mouvans, ayons fait prendre et mettre en notre main comme a nous acquis et confisquez touttes les rentes heritables, fiefs, terres, censes, revepensions a vie et aultres heritages et biens quelconques que ceulx de la ville et cité de Tournay et du pays et bailliage de Tournesis, S. Amand et des appertenances avoient en nos païs et seignouries et certaine partie de iceulx donné, fait lever et apprehender, et aussy a cause de la guerre, ne avons vollu souffrir ne permettre que on leur menast de nos dits pays ne laissast passer parmy yceulx aulcuns vivres, denrées ou marchandises ne en nos dits pays les laissier communiquer marchandement ne aultrement. Et soit ainsy que les provosts, jurez, escevins, esgardeurs, doyens et soubs doyens, bourgois, manans et comunaultés de la

nus,

MÉM. T. III.

་་་་

ville et cité de Tournay, du povoir et banlieue de de ycelle, pour eulx et yceulx du dit pays et bailliage de Tournesis, Saint Amand et les appertenances, quy auparavant avoient accoustumé hanter et converser en nos dits pays dont sont environnez et en yceulx fait pluseurs acquets. Nous ayans fait offrir se nostre plaisir est de lever nostre main et tous aultres empescemens mis en leurs dits biens a cause de la guerre et leur en octroyer la jouissance, et aussy permectre la hantise, conversacion et communicacion de nos dits pays et subjetcs, ils nous promettoient que durant le temps de ceste presente treve, ou aultres treves ou guerre quy cy apres polvoit advenir ou estre faicte ne souffriront, procureront ne feront faire directement ou indirectement par quelque voye ou maniere que ce soit, par leurs manans et subjects ou aultres estans en la dite ville et povoir de Tournesis, guerre a nous, nos pays et subjects, ne aussy ne recepvront ne sustiendront en la dite ville, ne aultrement, garnison de gens d'armes soubs umbre de la garde de la ville ou aultrement et ne bailleront passage a aulcuns gens d'armes. Et bailleront desores en avant entiere joyssance a nos subjects et aultres quy ont tenu nostre party de tous leurs heritaiges et biens quelconques, que ilz sont et ont es dites villes de Tournay et bailliage de Tournesis, Saint Amand et les appertenances et les laisseront desormais hanter et converser en la dite cité et bailliage, et les y tiendront et feront tenir seurs, come en tamps de bone et ferme paix; et a faire et acomplir les choses avant dictes et cescune de ycelles, sans aulcunement les enfraindre ou souffrir enfraindre, se obligeront, a payne de perdre perpetuellement tous les biens que le corps de la ville come