10. FREDERICUS GUILIELMUS PESTEL 1),

natus ao 1724 Rinteli, ubi aetate vix viginti trium annorum iam Professor iuris creatus et postea curiae supremae senator lectus est. A° 1763 Professoris munus in academia LugdunoBatava ei oblatum auspicatus, Gubernatoris et totius domus Arausiacae partes tam acriter ibi suscepit, ut tempore rerum conversionis (1795) una cum BROERSIO et KLUITIO Professoris munus ei ademtum sit. Decem annis post diem obiit supremum (1805). Multa reliquit opera et opuscula, quorum pleraque ius gentium spectant:

Prolegomena iuris naturae et gentium, Lemgov. 1756. Diss. de eo quod interest inter ius et rationem belli, Lemgov. 1758.

De damnis ex negligentia iuris publici in civitates redundantibus, L. B. 1763,

De dominio maris mediterranei Romanis temere adscripto, Rinteli 1764.

De differentiis in veteri et recentiori gentium Europearum politica, L. B. 1778.

Commentarii de Republica Batava, L. B. 1782, deinde iterum 1789 & 1795 2).

Oratio de fructibus, qui ex Iurisprudentia perfectiori ad populus Europaeos saeculo XVIII pervenerint, L. B. 1789.

11. FRANCISCUS FAGEL,

Specimen iuris publici inaugurale de Guarantia Foederum, L. B. 1759.

12. ALBERTUS PLOOS VAN AMSTEL, Ian fil.;

Specimen Acad. Inaug. de iure commercii, quod gentibus in bello mediis competit, L. B. 1759;

1) TE WATER, Narratio Academica, p. 227; BILDERDYK, Pestel, Gedachtenisrede, Leiden 1809; SIEGENBEEK, Gesch. der L. H. II. p. 209 sqq. 2) De harum editionum discrimine cf. TYDEMAN ad BILDERDIJKII Gesch. des Vaderl. XIII. 1. p. 196.

quod anno sequenti nonnullis additis annotationibus et appendice quaedam de navium apprehensione continente Belgice, prodiit sub titulo:

Verhandeling over het Recht van commercie tusschen onzijdige en oorlogvoerende volken, door Mr. ALB. PLOOS VAN AMSTEL, Amsteld. 1760.

13. ELIAS LUZAC 1),

natus Nordvici (Noordwijk) ao 1723 ex gente, quae propter revocationem edicti Nannetensis ex Gallia huc transfugit, atque in nova patria per longam annorum seriem ét de literis ét de republica optime meruit. Academiae Lugduno-Batavae alummus, E. LUZAC operam dedit inprimis studiis philosophicis, quibus etiam deinceps maiorem vitae partem tribuit. Muneribus publicis non functus est; totum se dedit tum causis dicendis, tum literis artibusque excolendis. Magnus eius exstat scriptorum numerus, in quavis fere parte philosophiae theoreticae, quam plerumque tamen cum iuris disciplinae summis principiis coniunxit. Separatim de iure gentium non egit sed multa praeclara de hoc argumento conscripsit, inprimis in hisce tribus operibus:

MONTESQUIEU, de l'Esprit des lois avec des Remarques philosophiques et politiques d'un Anonyme, Amst. & Leipzig 1763. 4 vol. 12mo 2).

Lettre d'un Anonyme à Mr. J. J. ROUSSEAU, Paris et Londres 1766; et Seconde Lettre, ibid. 1767 3).

Institutions du Droit de la Nature et des Gens. Traduites du Latin de Mr. DE WOLFF, avec des Notes, par M. ELIE LUZAC, Leide 1772.

1) Vide H. C. CRAS, Notice sur la vie et les Ecrits d'ELIE LUZAC, praefixa huius operi: Le Bonheur, ou nouveau système de iurisprudence Naturelle, Amst. 1820; quae etiam invenitur apud MARCHAND, Bibliothèque Universelle, in voce, et.in diario de Kunst- en Letterbode, 1813.

2) Vide GRAS, Notice p. [13] et BARBIER, Dictionnaire des ouvrages anonymes, Tom. I. p. 414, No. 5432. CRAS scribit 1. 1. hanc MONTESQUIEVII editionem constare 6 voluminibus: ego tantum 4 vidi, et opus tamen hisce absolutum videbatur.

3) CRAS, ibid. p. [14] et BARBIER op. 1. Tom. II. p. 245, No. 9652.

14. IOHANNES HENRICUS ENTRUP,

Specimen iuris gentium inaugurale quo praecipua civitatis gentium maximae alque iuris earumdem voluntarii seu positivi inde derivandi fundamenta destruuntur, Gron. 1765.

15. HENRICUS CONSTANTINUS CRAS 1),

Lugduno-Batavus, natus a° 1739, in patria ad iurisprudentiac studia accessit. Audivit HEMSTERHUSIUM et OUDENDORPIUM, LULOFSIUM et ALLEMANDUM, RUCKERUM et SCHELTINGA, sed plus etiam quam horum doctrina profuit ei quotidiana consuetudo cum ELIA LUZAC, qui unus omnium eum accendit ad studia iuris philosophici, quibuscum coniunxit assiduam lectionem auctorum classicorum inprimis CICERONIS: quorum studiorum specimen dedit in dissertatione inaugurali qua ostendit CICERONEM iustam pro CAECINA causam dixisse (L. B. 1769). Docta hacce scriptione omnium oculos in se ita contulit ut biennio post ei deferrent Illustris Athenaei Amstelodamensis curatores munus professoris iuris, primum iuris civilis deinde etiam iuris publici: mox vero quum curatores ei collegam adiunxissent qui ius civile doceret, totum se vovit iuri naturali, publico et gentium. Quid in hisce praestiterit, testantur eius orationes Amstelodami habitae, testatur et dissertationum numerus per decem fere lustra ab Athenaei alumnis CRASSIO praeside defensarum 2). Erga ius gentium optime meruit duplici eius disciplinac conditoris laudatione. Primum nempe in:

Oratione qua perfecti Icti forma in HUGONE GROTIO spectatur, Amst. 1775. Deinde in:

Laudatione HUGONIS GROTII,

Amst. 1796; quae in

publico certamine ab Academia Regia Disciplinarum liberalium Sueciae palmam accepit.

1) Vide I. M. KEMPER, Memoria H. C. CRASSII, Amst. 1825; et eiusdem Lijkrede op Mr. II. C. CRAS, Amst. 1820, quam auctor ipse praefixit operi Nagelaten Verhandelingen en Redevoeringen van Mr. H. C. CRAS (Amst. 1822), quam auctoris filius etiam inseruit in: Verhandelingen Redevoeringen en Staatkundige Geschriften van Jonkhr. 1. M. KEMPER, Amst. 1836 3 vol. Tom. II. p. 317, seqq.

2) KEMPER, Memoria, cet. p. 12, 13.

16. LAMBERTUS IULIUS VITRINGA,

Arnhemia-Gelrus, Ictus eximius ut patet ex iis quae scripto mandavit, de cuius vitae actisque perpauca tamen nobis innotuere. Franequerae anno 1773 gradum doctoratus in iure Romano atque hodierno capessivit, specimine historico-politico-iuridico inaugurali exhibente nonnulla de reformationibus civitatum. Deinde causarum patroni munere Hagae comitum functus immiscuit se, licet anonyme, in contentionibus ortis inter conss. SCHORER, VAN DE SPIEGEL, aliosque de iuris conditione in patria nostra, deque utilitate codicum scribendorum 1). Eodem fere tempore, opportunitate belli Angliam inter et Americae civitates unitas, opusculum edidit de iuribus et officiis gentium in bello mediarum, cui titulus:

Gedachten over de belangen en pligten der onzijdige Mogentheden en hunne onderdanen, bijzonder van dezen Staet bij gelegenheid der jegenswoordige Noord-Americaansche onlusten, door Mr. L. I. VITRINGA, Advocaat voor de hoven van justitie in Holland, 's Hage 1778 2).

Post rerum conversionem anno 1795 ei et quinque aliis civibus publice mandatum est ut inquirerent an ius decimarum. legibus congruum esset: iudicium autem quod VITRINGA hac de re tulit etiam nunc magni aestimari solet 3).

17. HENRICUS FAGEL,

Dissertatio iuridica inauguralis, de Foederum Sanctitate, L. B. 1785.

1) Scripsit autem: De eer der Holl. natie en van hare wetgevers, Rechters en Rechtsgeleerden verdedigers tegen het vertoog van Mr. w. SCHORER door eenen jongen Practizijn ('s Hage 1777). Cf. LANTSHEER Diss. de rebus a LAUR. PETRO VAN DE SPIEGEL in Zelandia gestis et scriptis (Traj. 1843), p. 43-58 et G. W. VREEDE de Regering en de Natie (Amst. 1845), p. 98.

2) Prostat in Bibliotheca Regia Hagana: ceteroquin rarissime hodie reperitur.

3) Vid. MEYLINK, Pleitmemorien over het Tiendregt (Bijlagen) et VAN HALL, vir. cl. in Jaarboeken voor Regtsgel. en Wetg. 1842, p. 388.

18.

FREDERICUS FRANCISCUS LUDOVICUS PESTEL,

Specimen iuridicum inaugurale exhibens selecta capita iuris gentium maritimi, L. B. 1786.

19. ADRIANUS KLUIT '),

Dordracenus, natus ao 1735, grammaticus, historicus, sollertissimus diplomatum et chartarum Reipublicae Batavae medii aevi conquisitor, et archaeologus. Academiae Traiectinae fuit alumnus: deinceps Rectoris tum scholae Alcmariensis, tum Gymnasii Medioburgensis munus obiit, donec ao 1779 evocatus in Academiam Lugduno-Batavam, Professor Antiquitatum et Historiae Patriae inprimis Diplomaticae Belgii Foederati. Licet igitur ex hisce videretur tantum suam sedem habere inter eos qui inclaruerunt in patriae historia excolenda, summo tamen iure ei etiam in hac nostra serie locus competit, non solum propter accuratam foederum cognitionem et descriptionem, unde magna pars iuris gentium cognoscenda est, sed inprimis propter egregias disputationes de nonnullis in iure gentium controversiis; quae reperiuntur maxime in ultimis capitibus operis cui titulo:

Historiae Foederum Belgii Foederati primae lineae, 2 vol. L. B. 1790, 1791.

Cui tertiae partis loco addidit:

Indicem chronologium sistentem foedera ab Ordinibus Reip. Belgicae foederatae inita cum gentibus intra et extra Europam, L. B. 1790.

A° 1795 KLUITIUS in trium illorum Professorum numero fuit qui magnopere se devinctos esse quum probassent Arausiacae genti et veteri rerum ordini, per septennium docendi munere summoti sunt. Notum est eum periisse in magna illa calamitate quae ao 1807 urbis Leidensis partem vastavit.

1) Vide SAXE, Onomast. Hist. Tom. VIII. p. 320–324 et Levensschets van A. KLUIT in BILDERDIJK en SIEGENBEEK, Leidens ramp, p. 86 seqq. (Amst. 1808), ubi nonnulli SAXII errores indicantur. VON KAMPTZ op. laud. p. 73 bis scripsit » ANTONIUS KLUIT": unde fere coniiceremus eum ne titulum quidem operis inspexisse; ceteroquin etiam VON KAMPTZ creberrimos et turpissimos errores commisit.