N° 7.

1235. Brief van Sibodo, deken, en het kapittel van Aken aangaande de kapel van Hombusch bij Douveren.

Cart. MS. ST. no 44.

S(ibodo) Dei gratia Decanus totumque capitulum Beate Marie in Aquis omnibus presentia inspecturis notificamus, quod cum inter Nos ex una parte et Abbatem et conventum Rodensem ex altera iamdudum disceptatio fuisset super eo, quod vicarius Ecclesie ipsorum de Douverne (1) certis diebus in capella curtis nostre de Hobusch, cum sibi satisfactum fuisset de dimidia marca Coloniensi, divina celebrare deberet, tandem propter mutuam vicissitudinis dilectionem hactenus inter nos conservatam, mediantibus honestis viris, sic est ordinatum, quod abbas et conventus, additis duobus solidis dimidia marca prenominata, celebrationem divinorum in capella memorata per vicarium suum de Douverne procurare tenebuntur. Et ut predicta perpetuo robur habeant firmitatis, presens scriptum sigillo Ecclesie nostre et Rodensis communivimus. Acta sunt haec anno Domini M.CCXXXV.

N° 8.

1237 Mei 20. Paus Gregorius IX bevestigt het patronaatsrecht der abdij in de parochiën Lommersheim, Afden en Setterich.

Cart. MS. ST. no 45.

Gregorius Episcopus servus servorum Dei dilectis filiis Abbati et conventui Ecclesie Rodensis, ordinis Sancti Augustini Leodiensis diocesis, salutem et apostolicam benedictionem. Cum a nobis petitur quod iustum est et honestum, tam vigor equitatis quam ordo exigit rationis, ut id per sollicitudinem officii nostri ad debitum perducatur effectum. Eapropter, dilecti in Domino filii, vestris iustis postulationibus grato concurrentes assensu de Lomertzheim (*), de Afden (3) et de Settherich (4) Ecclesias, cum

(1) Douveren bij Wassenberg. QUIX, C. D. Aq. p. 103; Wauters t. III. p. 651; Quix geeft het jaartal 1225 aan.

(2) Lommersheim, ook geschreven Lomuasheim, Lummersheim, Lommessen, Lommersum, niet ver van Lechenich gelegen. De abdij bezat er de tienden, de pastorie enz. Zie Franquinet 21, 28, 29, 32, 33, 38, 39, 44, 61, 66, 69, 73, 78, 80, 85, 127, 134, 180, 189.

(3) Aeffden, Affden, Affeden, op den rechten oever van de Worm nabij Rolduc. (*) Setterich in het hertogdom Gulik. Franq. blz. 12, 97.

pertinentiis earumdem, in quibus ius patronatus proponitur vos habere, quas archiepiscopus Coloniensis, locorum ipsorum diocesanus, capituli sui accedente consensu, vobis in usus proprios retinendas pia et provida liberalitate concessit, prout in litteris inde confectis plenius dicitur contineri, sicut eas iuste ac pacifice possidetis, vobis et per vos Ecclesie vestre auctoritate Apostolica confirmamus et presentis scripti patrocinio communimus; proviso quod de proventibus ipsarum Ecclesiarum sacerdotibus perpetuo in eis Domino servituris congrua portio assignetur, ex qua commode sustentari valeant ac Episcopalia et earundem Ecclesiarum onera alia supportare. Nulli ergo omnino hominum liceat hanc paginam nostre confirmationis infringere vel ei ausu temerario contraire. Si quis autem hoc attemptare presumpserit, indignationem omnipotentis Dei' et beatorum Petri et Pauli Apostolorum eius se noverit incursurum. Datum Viterbii XIII Kalendas Junii Pontificatus nostri anno undecimo.

N° 9.

1248 Juli 29. Brief van den pauselijken legaat Petrus Capocci aangaande het getal kloosterlingen der abdij.

Cart. MS. ST. no 48.

Petrus miseratione divina S. Georgii ad velum aureum (diac. card.) Apostolice Sedis legatus dilectis in Christo Abbati et conventui de Rode, ordinis Sancti Augustini Leodiensis diocesis, salutem in Domino. Justis petentium desideriis dignum est nos facilem prebere consensum et vota, que a rationis tramite non discordant, effectu prosequente complere. Eapropter, dilecti in Domino, vestris iustis postulationibus grato concurrentes assensu, quadraginta canonicorum numerum, quem in Ecclesia vestra deliberatione provida vos proponitis statuisse ac juramento formasse, sicut iuste taxatus est et statutus, auctoritate presentium confirmamus, et presentis scripti patrocinio communimus, nisi adeo ipsius Ecclesie facultates accreverint, quod in ea personarum numerus merito sit augendus, auctoritate Sedis Apostolice semper salva.

Nulli ergo omnino hominum liceat hanc paginum nostre confirmationis infringere vel ei ausu temerario contraire. Si quis

autem hoc attemptare presumpserit indignationem omnipotentis Dei et beatorum Petri et Pauli Apostolorum eius se noverit incursurum.

Datum in castris coram Aquis quarto Kalendas Augusti anno Domini millesimo ducentesimo quadragesimo octavo.

No 10.

1250. Het kapittel van Bonn bevestigt het patronaatsrecht der abdij in de parochie Hersel.

Cart. MS. ST. nr 53.

In nomine Domini Amen. Godefridus Dei gratia Prepositus, Th. Decanus totumque capitulum Ecclesie Bunnensis omnibus presens scriptum inspecturis in perpetuum. Cum vita mortalium șimul labatur cum tempore, provida consideratione cavendum est, ne succedentium cavillatione solvantur, que presentes duxerint rationabiliter ordinanda. Noverint ergo tam presentes quam futuri, quod cum Ecclesia Rodensis, Leodiensis diocesis, de antiqua et approbata consuetudine annis pluribus observata, Ecclesiam de Hersille (1), Coloniensis diocesis, ab Ecclesia nostra tenuisset et eam per fratres suos qui pro tempore fuerunt ad hoc deputati idonei officiassent, Abbate Rodensi presentante et Preposito Bunnensi cura prefate Ecclesie investiente eosdem, fuit eadem Ecclesia iniuste ac violenter per annos aliquot occupata, que tamen auctoritate Venerabilis Patris domini Conradi Coloniensis Archiepiscopi tunc Apostolice sedis legati per sententiam diffinitivam rationabiliter est annota. Quare Nobis prefati Abbas et Conventus Rodenses humiliter supplicarunt, ut ne de cetero super eorum presentatione dubitationis scrupulus oriatur, ipsis paterne et benigne prospicere dignaremur. Nos vero, matura deliberatione prehabita, ipsorum iustis petitionibus et piis desideriis grate concurrentes assensu, nihilominus tam nostre quam ipsorum Ecclesie utilitati et commodo consulentes, de unanimi et expresso omnium consensu, volumus, consentimus et ordinamus, ut Wilhelmo nunc Rectore de Hersille defuncto, vel per obedientiam majoris ammoto, Abbas

(1) In de Rhijnprovincie bij Bonn; Cf. Franquinet, bl. 43, 110, 115, 118.

Rodensis, qui pro tempore fuit, de consilio seniorum fratrum suorum, unum de fratribus suis Canonicis Rodensis Ecclesie ad curam animarum Ecclesie de Hersille recipiendam Preposito Bunnensi presentat, qui sic presentatum, omni occasione et contradictione postposita, investiat et admittat. Ut autem Ecclesie Bunnensis debita subiectio et reverentia ac Ecclesie Rodensis titulus et ius presentandi successive imperpetuum recognoscatur, ordinamus et volumus, ut singulis annis investitus de Hersille unam carratam vini ad usus capituli Bunnensis, vel duas marcas, si vinum male crevit, et unum aureum valentem XII minimos usuales domino Preposito Bunnensi ad offerendum in die beatorum Martyrum Cassii et Florentii ac unum cereum de duabus libris Ecclesie assignabit. Hoc addito, quod exequie singulorum canonicorum Bunnensium in obitu ipsius tanquam corpore presente et anniversarium eorundem singulis annis in celebratione misse et commendatione a Conventu memorato ac Rectore de Hersille observabuntur. Accedente super premissis omnibus venerabilis Patris domini Coloniensis Archiepiscopi consensu et auctoritate, cuius sigillum una cum Ecclesiarum Bunnensis ac Rodensis necnon prepositi ac decani Bunnensis sigillis carte presenti in testimonium et firmitatem est appensum. Actum anno Domini millesimo ducentesimo quinquagesimo in capitulo Ecclesie Bunnensis.

N° 11.

1257 Juni 24. De abt Conrad verleent de tienden van HenriChapelle in erfpacht aan Henricus Cornutus en zijn bloedverwant Godefridus.

Cart. MS. ST. n' 64.

Conradus Dei gratia abbas Rodensis omnibus presens scriptum legentibus cognoscere veritatem. Memorie vestre commendamus, quod Gerardus, prior de Hatzwilre, cum esset residens in Ecclesia de Balen, contraxit ibi debitum X marcarum legalis monete, que dum non posset solvere, contigit eum ab Ecclesia Balensi recedere et creditores cum magna instantia debita requirebant. Successor vero eius Theodoricus, cum non haberet unde eadem solveret debita, solucionem creditoribus denegavit. Unde propter gravem instantiam eorundem et importunitatem fideiussorum, summa

fuit adhibenda solucio debitorum. Cum vero non possemus declinare a dextris vel a sinistris et omnis via potior nobis esset preclusa, ardua necessitate ingruente, accepimus a domino Henrico Cornuto et Godefrido cognato suo sex marcas Colonienses in subsidium debitorum predictorum.

Dominus abbas Marsilius bone memorie acceperat ab eis eciam sex marcas et contulerat eis decimam de Capella Henrici (1) pro XL modiis Aquensis mensure ad XVI annos. Nos vero pressi ere alieno ipsam decimam contulimus eis iure haereditario pro XL modiis Aquensis mensure et dimidia marca Coloniensi singulis annis nobis ibidem in nostris vehiculis presentandis in festo beati Martini. Quod si dictam pensionem et denarios memoratos ad predictum terminum non solverint, iure suo privabuntur. Ne vero tam solempniter factum alicuius versutia sive dolo possit infringi vel calumpniari presentem scedulam sigillo nostro conventus et investiti de Balis statuimus roborandam. Datum anno Domini MCCLVII in festo beati Joannis Baptiste.

No 12.

et

1301 Juli 21. De abt Theobald bepaalt het getal der kloosterzusters van Hodonck.

Cart. MS. ST. no 64.

Nos Theobaldus divina permissione abbas monasterii Rodensis, ordinis beati Augustini Leodiensis diocesis, notum facimus universis, quod nos in visitatione per nos facta in cenobio sanctimonialium in Hodonc (2) nobis pleno iure subiecto anno dominice Incarnationis millesimo trecentesimo primo in vigilia beate Marie Magdalene, invenimus ipsum cenobium ita debitis aggravatum, totque personas ibidem receptas in collegio, quod bona seu reditus. ipsius cenobii non sufficiunt, ad ministranda necessaria vite personis antedictis. Quare statuimus, ordinavimus et compromisimus una cum Priorissa totoque conventu dicti loci, fide prestita corporaliter, quod nullam personam deinceps in collegio dicti cenobii recipiemus nec admittemus, donec numerus ipsarum

(1) Henri-Chapelle provincie Luik. Cf. Franq. bl. 39. (2) Hooidonk in Noord-Brabant.