de Viler ki vns des ijij freres est et la quarte partie en a vendue. Tout cist i furent com eskieuin ensi com il sont nomet. Et por ce que ceste cose demeurt ferme et estable, ne que par vbliance d'alongement de tans ne s'esuanujsce, 45 ne qu'a Jehan Waleri ne a cials ki apries luj l'iretage tenront nul mal ne nul tort en facion, ne que mais fause demande n'en soit faite ne requise, por ce si en fist Jehans Waleris cartre faire, et liura en la main des eskieujns dont uos aues dedeuant les nons ois, l'an de l'Incarnation Nostre 50 Segnor Jhesu Crist, mil et cc. et xx et siet, el mois de Nouembre. XXII Ce sacent tot cil kj sont, et kj auenir sont, et kj cest escrit liront et oront, que Jehans de Rongj fait cognisance a Warin le Macon, baron dame Sarain de Cordes, que de ces masieres la u Jehans de Rongi fait se loge, deriere se 5 maison, sour ces masieres kj Warin sont, que Jehans de Rongj et sj oer doiuent a Warin et a ses oers, a tos jors deliurer de l'aiwe et metre nohe a lor cost. Et por co que Warins li sueffre a metre sen nohe sor ses masieres, et por co se lj werpist il ces masieres, il et sj oer, que plus n'j 10 puent faire, se par Warin non et par ses oers. Et se Jehans de Rongi estoit encontre, ne il ne sj oer, on s'en tenroit a sen iretage. Et por que co soit ferme cose et estaule en an fait cest escrit. A cest escrit faire et deuiser fu Jehans a le Take com eskieuins, Gontiers Rolsials com eskieuins, 15 Nicholes de le Roke com eskieuins, Libiers de le Helde com eskieuins, Leurens lj Merciers com eskieuins, Waltes Sartials com eskieuins, Gontiers d'Orke com eskieuins. Et co fu fait en l'an de l'Incarnation Nostre Signor m. et cc. ans et xxviij, el mois d'Auril. XXIII (Au dos est écrit :) C'EST LI ESCRIS WILLAUME El non le Pere et le Fil et le Saint Esperit. Sacent cil ki sunt et ki auenir sunt, et cest escrit uerunt et orunt, que Teris de le Hamede, li chevaliers, jura tot auant que il [clama] sor Willaume de Mainhart, borgois de Tornai, que il a drcit i clameroit. Et puis qu'il l'eut juret, clama il sor luj le tort 5 qu'il sus li metoit, qu'il li faisoit de co que se dousainne par an li desconissoit, ne paier ne li uoloit, por co que il disoit que Maroie li feme Willaume sen anciele estoit. Et Willaumes de Mainhart respondi qu'ensi n'estoit mie que Theris de le Hamede, li chevaliers, dist; ains dist Willau- 10 mes que Maroie se feme estoit a le glise Saint Martin de Tornaj, a ij d. de cens de le monoie de Tornaj cascun an, a paier le ior Saint Martin, et par iiij d. au mariage, de le monoie de Tornai, et par iiij d. a le mort, de le monoie de Tornaj. Et dist Willaumes que Mainsens, li mere Marien se 15 feme, le fu par autretel cens et par autretel droiture, et a mort et a mariage; et dist que li nons Mainsent, ki mere estoit Marien se feme, estoit ens en le cartre ki saielee fu del saiel l'abet Johan, ki abes fu de le glise Saint Martin. Et sor co dist Willaumes que li abbes et li glise de Saint 20 Martin warans l'en seroit tot ensi. Si c'au ior ki mis fu par l'assen des escheujns, Willaumes de Mainhart de son warant a condujre, et Theri de le Hamede, le chevalier, de l'oir, si ujnt dans Johans Quigne Festuc, ki monies estoit de le glise Saint Martin, por ceste warandise fere, por co qu'il 25 l'auoit en main de par l'abbet Auman, et de par le glise Saint Martin de Tornaj. Et bien coneut dans Jehans que uoirs estoit, tot si que Willaumes l'auoit dit, et warans l'en fu ensi, et poroffri a desraisnier a l'assen des eschevins. Et 30 fu li cartre en plain plet ljvte, ki saielee estoit del saiel l'abbet Jehan ; et nomma li cartre anciens eschevins ki estet i auoient, Watier Chalot, Nicholon Pance de Boch, et nomma priestres et chevaliers et borgois ki i furent. Et Theris de le Hamede, li chevaliers, si dist contre le warant 35 et encontre le cartre quan qu'il uiolt dire. Sor co, si en prisent li eschevin leur respit de iugement a dire, si qu'au ior ki mis i fu empries, si uint dans Jehans Quigne Festuch et Willaumes de Mainhart por iugement a oir, et bien si com lois porte s'en poroffrirent. Et Theris de le Hamede, li 40 chevaliers, n'j vint, ne ne s'en poroffrj, ne ne contremanda, si que li escheuin disent, par loj et par jugement, que Willaumes de Mainhart tos quites et tos deljures en pooit aler. El tesmoig de caus ki adonques furent eschevin, si com Robiers Losquegniols, Grigories de Maude, Wibiers 45 de Moriauporte, Hues li Fors, Hade de le Cambe, Johans d'Alaing, Johans de Vilers. Tot cist fisent le iugement comme eschevin. Et por co que cis iugemens soit fers et estaules, et que li tenance de le glise Saint Martin de Tornaj soit boene et loiaus et uraie, ne que nus ne soit ki 50 iamais, a nul ior, encontre le tenance die, ne le iugement ki fes est desdie, ne que Teris de le Hamede, li chevaliers, ne si oir, ne nus autres ki que ce onques soit, Willaume de Mainhart, ne Marien se feme, ne leur enfans, ne les oirs ki uenront a en auant, en emplaidient, ne destorbance 55 nule ne lor en facent, por co si en fisent Willaumes de Mainhart et Maroie se feme cartre faire, et liurerent en le main des escheujns dunt uos aues les nons ois, l'an de l'Incarnation nostre Signeur Jhesu Crist m. et cc. et xxviij, el mois de Decembre. Ce fu fait le nujt Sainte Lucje. XXIV Sacent tout cil ki or sunt et ki auenir sunt, ke Huelos de Saint Martin, li fius dame Hauwit d'Orke, et Sainte se feime, ont dounee et werpie leur mason k'il ont en le rue. Saint Martin, ki fu Dame Heluit d'Orke, a leur enfans, et ensi k'il ne le pueent d'ore en auant ne vendre ne enwagier, 5 mais il pueent ens manoir leur vie. Et se aucuns des enfans muert, se partie de le mason doit escair as autres enfans ki demeurent en vie. Et a cest werp furent Jehans a le Tache, Jehans Tutins, Libiers de le Helde, Roge de le rue Froienoise (1), Leurens li Mierciers, Tricos del Postic et Jehans 10 Morsiaus, keme eschieuin. Et ce fu fait en l'en de le Incarnassion m. cc. xxviij, el mois de Feurier. XXV (Au dos est écrit :) C'EST LI ESCRIS HUON DE LE VIGNE. Sacent cil qui sunt et qui auenir sunt, et cest escrit ueront et oront, que Biertremus d'Arras auoit i. mes et managhe dont il deuoit xl. sol de flamens de rente par an, les xx sol. a le fieste Saint Jehan Batistle en estet, et les xx sol. au Noel, et ij deniers flamens de cens a le Saint 5 Remi, cascun an; liquele rente fu Jehan a le Take, borgois de Tornai, qu'il douna por Deu en aumosne au priestre de Nostre Dame Sainte Marie de Tornai, por departir et por douner al luminare des glises en Braiebant, la v il l'a asenet. Etcil mes et cil managhes si siet entre le ruiele des Aisemens 10 et le ruiele de Bekeriel (2), si que li iretages par deriere en aboute sor Escaut. Et cel mes et cel manage, tout si cum il siet et deuant et deriere, a tel cens et a tel rente ki noumee est deuant, a Biertremus d'Arras dounet et werpit et clamet cuite absoluement, si cum cius qui bien le peut 15 faire par loi, et a mort et a uje, a Huon de le Uigne, qui Margheritain, le fille Pieron d'Arras son frere, a a feme (1) Aujourd'hui : La rue Frinoise, à Tournay. (2) Aujourd'hui : La rue du Becquerel, à Tournay. T espousee. Par tel que Hues de le Uigne doit a Boidart d'Arras, le frere Biertremu d'Arras ki ses oirs estoit, douner 20 a boire et a mangnier auuec lui et a se taule, autretel cumme son cors, fors vin; et se li doit cascun an, tant cum il uiuera sans plus, i. marc, xxxij sol. por le marc de flamens, por luj uestier. Et tantost come de Boidart defaura, Hues de le Uigne et ses oirs est tous cuites del marc 25 et del ujure qui dis est deuant. Et Boidars, qui oirs estoit a Biertremu d'Arras, si a loet cest don, et a encouuent a Huon de le Uigne que se nus estoit, quicumques ce fust, qui nient i demande en cest don quj dis est deuant, que il li acuitera tout quite; et Biertremus d'Arras si dist bien et 30 violt et loe, que nul don ne nule aumosne qu'il ait faite ne ne fera en auant, que on ne s'en pregne de nule cose a Huon de le Vigne, ne a l'iretage qui dis est deuant. Et pujs que de Biertremu d'Arras fu defalu, et li escance en fu uenue a Boidart sen frere, li loa Boidars a Huon de le Vigne 35 tel werp et tel don que Bier tremus d'Arras en fist. Et Mahius qui priestres est de Samion (1), Nicholes ses freres, Jehans Biaus Valles et Margherite se feme, Maroie et Izabiaus leu sereurs, quj enfant furent Lambiert le Mousnier et Hersent d'Arras, li l'ont loet et creantet et quite 40 clamet, el tesmoing des escheuins qui a cel ior furent escheuin de Tornai, Watiers Sartiaus, Tricos del Postic, Geras Crokins, Gontiers Rousiaus, Jehans Tutins, Libiers de le Helde et Rogiers li Escohiers de Saint Jakeme; tout cist i furent cum escheujn. Et por co que ce demeurt ferme 45 cose et estaule, ne que par alongement de tans ne soit mis en oublit, si en fist Hues de le Vigne cartre faire, et liura en le inain des eskeuins dont uos aues les nons ois. Ce fu fait l'an de l'Incarnation Nostre Segneur Jhesu Crist mil et cc. et xxix, el mois de Feurier. (1) Saméon, France, département du Nord, arrondissement de Douai, canton d'Orchies. |