M. BÉCOURT, officier de l'Université, secrétaire, agent comptable. M. LAMACHE, Président de la thèse. DESTRAIS. Examinateurs MM. AUBRY. MARINIER. La Faculté n'entend ni approuver ni désapprouver les opinions particulières au candidat. JUS ROMANUM. DE LEGITIMIS LIBERIS. PROŒMIUM. Si quis in historiam populi Romani oculos intendat, eamque a primis Romæ temporibus usque ad occasum imperii persequatur, videbit paternam potestatem, verbi gratia, unam præcipuarum, columnarum fuisse in quibus nitebatur Romanæ civitatis ædificium. Quid dicam, paterna potestas unde natus est status familiæ omnium civitatum origo fuit. In primis Romæ temporibus, populus Romanus universis ex gentibus quæ e primis familiis natæ erant, senatusque caput civitatis, patribus familiarum constabant. Familiæ appellatione includebantur lato sensu, tam liberi quam servi et omnia bona quæ in ejusdem patrisfamilias ditione erant. Stricto jure, familia constabat ex liberis qui in patris potestate erant, vel ex eo nati erant, horum primi sui vocabantur liberi, in eosque summum jus competebat patrifamilias. Nulli enim sunt alii homines, qui talem in liberos habeant potestatem qualem nos habemus, ut ait Justinianus (S. 2. Inst., L. I, tit. 9). Hujus potestatis auctorem fuisse Romulum, ferunt, ejusque lex |