BREVIARIUM

APPENDICIS

AD LIBRUM QUINTUM HISTORIARUM.

26. BATAVI in fidem recepti; pacataque Germania. 27. Lingones favorem Domitiani occupant. Caso Fonteio Agrippâ, Sarmatæ Moesiam populantur: mox à Rubrio Gallo fusi. 28. Obsidio Hierosolymitana. Primus urbis murus perrumpitur. 29. In alterius ruinâ acriter pugnatum. 30. Judæorum pervicacia. 31. Titus tridui opere urbem muro circumvallat. Expugnatur et exscinditur turris Antonia. 34. Fames, pestis, Hierosolymis grassantur. 35. Templum invadere frustra tentant Romani. 36. Portas succendi, templum tamen servari jubet Titus.

37. Judæi, suam in ruinam præcipites, inconsultò in Romanos inrumpunt. 38. Templum incenditur; ibique positis signis, Titus imperator consalutatur. 40. Reliquæ Judaici belli fœditates. Ardent Hierosolyma. 42. Titus, urbis ruinas ingressus, Deum victoriæ auctorem profitetur. 43. Inde Cæsaream discedit, Orientem lustraturus. Lucilius Bassus, quæ supererant in Judæâ, expugnat. 44. Interim Vespasianus Alexandria Romam redierat: templi Capitolini operas extemplo inflammat. 46. Titus, ex Oriente redux, Hierosolyma revisit, ruinasque miseratur: Memphim venit; evinctusque caput diademate, Apidis consecrationi interest: unde Romæ conflata invidiæ materia. 47. Vespasianus Hispaniæ jus Lati tribuit: mox ad Urbana negotia intentus. 48. Vitæ ejus ratio. 49. Erga liberos cura. Titus Romam venit. 50. Vespasiano Titoque decernitur triumphus. Ejus pompa. 52. Clauditur Janus. Templum Pacis à Vespasiano conditum: ibi sacrata templi Hierosolymitani monumenta. Conspirantibus Vespasiani Titique votis, tentatur morum emendatio, Urbe vitiis fessâ.

1

APPENDIX

AD LIBRUM QUINTUM

HISTORIARUM.

AUCTORE GABRIELE BROTIER.

A. U. C. 823. J. C. 70.

26. NON fefellit Civilem ea inclinatio, et prævenire statuit; super tædium malorum, etiam spe vitæ, quæ plerumque magnos animos infringit. Petito colloquio, scinditur Nabaliæ fluminis pons; in cujus abrupta progressi duces: et Civilis ita cœpit: "Si apud Vitellii legatum defenderer; neque facto meo venia, neque dictis fides debe"batur. Cuncta inter nos inimica, hostilia, ab illo cœpta, " à me aucta erant. Erga Vespasianum vetus mihi obser"vantia: et, cùm privatus esset, amici vocabamur. Hoc Primo Antonio notum, cujus epistolis ad bellum accitus sum, ne Germanicæ legiones et Gallica juventus Alpes "transcenderet. Quæ Antonius epistolis, Hordeonius "Flaccus præsens monebat, arma in Germaniâ movi: quæ "Mucianus in Syriâ, Aponius in Mosiâ, Flavianus in Pannoniâ, Tiberius Alexander' in Ægypto, eadem fovi

Tiberius Alexander. A quo imperii Alexandriæ cœptum. Vide initium ferendi ad Vespasianum supra Hist. 11. 79.